به گزارش ایرنا، اشرف غنی رئیس جمهوری فعلی افغانستان امروز یکشنبه با شعار تیم «دولت ساز»، اقتصاد، قانون و امنیت بطور رسمی وارد رقابت های انتخابات ریاست جمهوری سال آینده شد.
در هنگام ثبت نام شماری از رهبران سابق جهادی، افراد سیاسی، نمایندگان مجلس، علما و فرهنگیان هم حضور داشتند.
امروز مهلت ثبت نام نامزدان انتخابات ریاست جمهوری سال ۱۳۹۸ که قرار است در ۲۹ تیرماه برگزار شود، به پایان می رسد و تاکنون عبدالله عبدالله، رئیس اجرایی، حنیف اتمر، عبدالطیف پدرام، رهبر حزب کنگره ملی، حکیم تورسن، نورالله هاشمی، عنایت الله نظری، زلمی رسول، نورالحق علومی، فرامرزتمنا، محمدشهاب حکیمی، رحمت الله نبیل، گلبدین حکمتیار، احمدولی مسعود، ابراهیم الکوزی ثبت نام کرده است و قرار است تا پایان روز «شیدامحمد ابدالی» سفیر سابق افغانستان در هندوستان نیز ثبت نام کند.
- 11
- 2